काठमाडौं । गगन थापा नेतृत्वको नेपाली कांग्रेसले पार्टीको नयाँ घोषणापत्र निर्माण गर्ने निर्णय गरेको छ ।

पार्टीको पहिलो बैठकले थापाकै संयोजकत्वमा घोषणापत्र निर्माण समिति गठन गरेको हो ।

घोषणापत्रमा कति वर्षमा कस्तो कांग्रेस र कस्तो देश बनाउने भन्ने मार्गचित्र समेटिने भनिएको छ । घोषणापत्र युगसापेक्ष जनचाहना सम्बोधन गर्नेगरिको निर्माण हुने उल्लेख छ ।

आगामी २१ फागुनमा हुने निर्वाचनमा पार्टीपंक्तिलाई परिचालन गर्न उपसभापति विश्वप्रकाश शर्माको संयोजकत्वमा निर्वाचन परिचालन समिति गठन गर्ने बैठकले अर्को निर्णय गरेको छ ।

यसबाहेक निर्वाचन आयोगमा पार्टीको कागजात अद्यावधिक गर्ने निर्णय पनि भएको छ ।

उम्मेदवारको उम्मेदवारी (मनोनयन) पत्रमा दस्तखत गर्न यसअघि शेरबहादुर देउवाको नाम छ । उनको नामसँगै दस्तखत परिवर्तन गर्ने र त्यस सम्बन्धी निर्णय पनि बैठकले गरेको छ ।