काठमाडौं । सुमन शर्मा प्रभु बैंकको प्रमुख कार्यकारी अधिकृत (सीईओ) नियुक्त भएका छन् ।

उनलाई मंगलबार बसेको सञ्चालक समिति बैठकले सीईओमा नियुक्त गरेको हो । नेपाल स्टक एक्सचेन्ज (नेप्से)लाई दिएको जानकारीमा यो विवरण उल्लेख छ ।

शर्माको कार्यकाल चार वर्षको हुने छ । २५ वर्षदेखि बैंकिङ क्षेत्रमा क्रियाशील शर्मा यसअघि तत्कालीन सनराइज बैंक (हाल लक्ष्मी सनराइज) र माछापुच्छ्रे बैंकको सीइओको भइसकेका छन् ।

उनले अर्थशास्त्र र व्यवस्थापनमा स्नाकोत्तर गरेका छन् ।  शर्मा राम्रो छवि बनाएका अनुभवी बैंकर हुन् ।

यसअघि नेपाल प्रहरीको केन्द्रीय अनुसन्धान ब्युरोले बैंकिङ कसुरमा अनुसान्धान सुरु गरेपछि निवर्तमान सीईओ अशोक शेरचन निलम्बन भएका थिए ।

त्यसपछि सञ्चालक समितिले गत मंसिर १४ मा निरज लम्साललाई कामु सीईओको जिम्मेवारी दिएको थियो ।