काठमाडौं । जनता समाजवादी पार्टी (जसपा) नेपालका अध्यक्ष उपेन्द्र यादवले संविधानको पुनर्लेखन नगरी राष्ट्रिय समस्याहरूको समाधान नहुने बताएका छन् ।

संविधान संशोधनको एजेन्डा संविधान बनेकै बेलादेखि उठाएको तर सरकारले ध्यान नदिएको गुनासो गरे ।

संघीयताअन्तर्गतको संरचना प्रदेशहरूलाई अधिकार सम्पन्न नबनाउँदा विगतमा प्रदेशहरूले अपेक्षित काम गर्न नसकेको उनले दाबी गरे ।

आगामी प्रतिनिधिसभा निर्वाचनमा पहिचान र संघीयता पक्षधर शक्तिलाई मत दिन पनि उनले जनतासँग आग्रह गरे ।

मधेश आन्दोलनका मुख्य नेता यादवले संघीयतालाई बलियो बनाउनेगरिको कानुन निर्माणका लागि जसपा नेपाललाई मत दिनुपर्ने बताए ।