काठमाडौं । प्रतिनिधिसभा निर्वाचनको समानुपातिकतर्फको मत गणना सकिए पनि कुन दलले कति सिट पाउँछन् भन्ने निर्वाचन आयोगले टुङ्गो लगाउन बाँकी छ । तर, दलहरूले पाउने मोटामोटी सिट सङ्ख्या टुङ्‍गो लागेको छ ।
प्राप्त मत परिणामका आधारमा राष्ट्रिय स्वतन्त्र पार्टीले ५७ सिट पाउने देखिएको छ ।
नेपाली काङ्‍ग्रेसले २० सिट पाउने भएको छ । नेकपा एमालेले १६ सिट पाउँदा नेपाली कम्युनिस्ट पार्टीले ९ सिट, श्रम सस्कृति पार्टी र राष्ट्रिय प्रजातन्त्र पार्टीले समान ४/४ सिट पाउने देखिएको छ ।
अन्य दलहरुले भने तीन प्रतिशत थ्रेसहोल्ड पार गर्न नसकेको र प्रत्यक्षमा कम्तिमा १ सिट नजितेकाले समानुपातिक सिट पाउँदैनन् ।