काठमाडौं । नेपाली कांग्रेस संसदीय दलको नेतामा भीष्मराज आङ्देम्बेले दाबी प्रस्तुत गरेका छन्।

लामो समयदेखि राजनीतिमा सक्रिय आङ्देम्बे संसदीय राजनीतिको अनुभवी नेताका रूपमा चिनिन्छन्।

२०७० सालको संविधानसभा सदस्य रहिसकेका आङ्देम्बे यसपटक प्रतिनिधिसभामा पुगेका पूर्वपदाधिकारीमध्ये एक्ला नेता हुन्।

उनले उद्योग, वाणिज्य, आपूर्ति तथा उपभोक्ता हित संरक्षण समितिको सभापतिका रूपमा समेत काम गरिसकेका छन्।

साढे चार दशकभन्दा बढी समयदेखि राजनीतिमा सक्रिय उनी संसदीय दलको नेतृत्वका बलिया दाबेदारका रूपमा हेरिएका छन्।

संसदीय अभ्यास र प्रक्रियामा दख्खल राख्ने आङ्देम्बेलाई पार्टी सभापति गगन थापाले पनि नेतृत्वमा अघि सार्न सक्ने चर्चा छ।

तर, संसदीय दलको नेतृत्वका लागि अर्का अनुभवी नेता अर्जुननरसिंह केसी पनि प्रतिस्पर्धामा छन्।

केसी, सभापति थापाका ससुरासमेत भएकाले यो प्रतिस्पर्धाले थप राजनीतिक चासो पैदा गरेको छ ।