काठमाडौं । नेपाल दूरसञ्चार प्राधिकरणले सट्टेबाजी एप बन्द गर्न मोबाइल तथा इन्टरनेट सेवा प्रदायकलाई निर्देशन दिएको छ । 

सरकारको शासकीय सुधारसम्बन्धी कार्ययोजनाको बुँदा नम्बर ४२ लाई कार्यान्वयन गर्दै प्राधिकरणले सबै सेवा प्रदायकलाई यस्तो निर्देशन दिएको प्राधिकरणका प्रवक्ता मीनप्रसाद अर्यालले जानकारी दिए । 

उनका अनुसार उक्त निर्णय कार्यान्वयन गर्न सञ्चार तथा सूचना प्रविधि मन्त्रालयबाट आइतबार नै निर्देशन प्राप्त भएको थियो । लगत्तै उक्त निर्णय कार्यान्वयन गर्न पत्र पठाएको अर्यालको भनाइ छ ।