काठमाडौं । नेपाली कम्युनिस्ट पार्टीका अध्यक्ष पुष्पकमल दाहाल प्रचण्डले केपी शर्मा ओलीमाथि निष्पक्ष र स्वतन्त्र ढंगले अनुसन्धान हुनुपर्ने बताएका छन्।

आइतबार पेरिसडाँडास्थित नेकपा कार्यालयमा सञ्चारकर्मीसँग कुरा गर्दै प्रचण्डले राजनीतिक आग्रह-पूर्वाग्रह बिना छानबिन अघि बढाउनुपर्नेमा जोड दिएका हुन्।

‘कुनै पनि राजनीतिक पूर्वाग्रह नहोस्, अनुसन्धान निष्पक्ष र स्वतन्त्र ढंगले होस् भन्ने कुरा हामीले स्पष्ट रूपमा राखेका छौं,’ प्रचण्डले भने।

उनले पूर्वप्रधानमन्त्रीहरूको सम्पत्ति छानबिन गर्ने विषय आफूहरूले नै यसअघि संसदमा उठाएको मुद्दा भएको पनि स्मरण गराए।