काठमाडाैं। हर्क साम्पाङको उपस्थितिमा श्रम संस्कृति पार्टीले पशुपति क्षेत्रमा श्रमदानमार्फत सरसफाइ कार्यक्रम सञ्चालन गरेको छ।

कार्यक्रममा पार्टीका नेता कार्यकर्ता तथा स्थानीयवासीको उल्लेख्य सहभागिता रहेको थियो। सहभागीहरूले पशुपति क्षेत्र वरपरको फोहोर संकलन गरी वातावरण सफा बनाउने अभियानमा सक्रिय रूपमा योगदान दिएका थिए।

यस अवसरमा साम्पाङले श्रमदान संस्कृतिलाई समाजमा प्रवर्द्धन गर्न यस्ता कार्यक्रमहरू आवश्यक रहेको बताए। उनले सरसफाइलाई केवल सरकारी जिम्मेवारीका रूपमा नभई नागरिकको साझा दायित्वका रूपमा लिनुपर्नेमा जोड दिए।

कार्यक्रममार्फत पशुपति क्षेत्रको वातावरण स्वच्छ राख्न र जनचेतना अभिवृद्धि गर्न सहयोग पुग्ने विश्वास व्यक्त गरिएको छ। साथै, आगामी दिनमा पनि यस्ता अभियानलाई निरन्तरता दिने पार्टीको योजना रहेको जनाइएको छ।