काठमाडौं। आईसीसी लिग(२ अन्तर्गत त्रिकोणात्मक सिरिजको पहिलो खेलमा नेपालले यूएईलाई मध्यम लक्ष्य प्रस्तुत गरेको छ।

कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा टस हारेर पहिला ब्याटिङ गरेको नेपालले ४८.२ ओभरमा सबै विकेट गुमाउँदै २०१ रन बनाएको हो।

नेपालका लागि उपकप्तान दीपेन्द्र सिंह ऐरीले उत्कृष्ट प्रदर्शन गर्दै ७५ रनको महत्वपूर्ण इनिङ खेले।

त्यस्तै, ओपनिङमा आएका आशिफ शेख ७ रनमा र कुशल भुर्तेल २४ रनमा आउट भए। भीम सार्कीले १० रन, कप्तान रोहित कुमार पौडेलले २ रन, बसिर अहमदले २० रन बनाए। आरिफ शेख र सोमपाल कामीले समान १५–१५ रन जोडे।

करण केसीले २२ रनको योगदान दिए भने सन्दीप लामिछाने २ रनमा आउट भए। ललित राजवंशी शून्य रनमा अविजित रहे।