काठमाडौं । घरेलु मैदानमा जारी आईसीसी विश्वकप लिग-२ अन्तर्गत नेपालले मंगलबार ओमानसँग प्रतिस्पर्धा गर्नेछ।

नेपाल, ओमान र संयुक्त अरब इमिरेट्स (युएई) सम्मिलित त्रिकोणात्मक सिरिजमा नेपालले आफ्नो घरेलु मैदानमा ओमानविरुद्ध महत्वपूर्ण खेल खेल्न लागेको हो।

शनिबारदेखि सुरु भएको सिरिजमा नेपालले युएईलाई लगातार दुई खेलमा पराजित गरेको थियो भने ओमानसँग भने हार बेहोरेको थियो।

लिग-२ मा हरेक खेलमा जित निकाल्नु नेपालका लागि अत्यन्त महत्वपूर्ण मानिएको छ। आठ टोली सहभागी यो प्रतियोगितामा नेपाल हाल सातौँ स्थानमा रहेको छ।

नेपाल युएईभन्दा मात्र एक अंकले माथि रहेको अवस्थामा अंकतालिकामा सुधार गर्न यो खेल निर्णायक हुन सक्ने देखिन्छ।