काठमाडौं । राष्ट्रिय स्वतन्त्र पार्टी (रास्वपा)ले आफ्ना सांसदहरूका लागि दुईदिने प्रशिक्षण कार्यक्रम आयोजना गर्ने भएको छ। प्रशिक्षण विभाग प्रमुख विपिन आचार्यका अनुसार वैशाख २६ र २७ गते बिहान ११ बजेदेखि साँझ ५ बजेपछि सम्म सिंहदरबारस्थित संसदीय दलको कार्यालयमा प्रशिक्षण सञ्चालन हुनेछ।

सांसदहरूले शपथ लिनेभन्दा अघि पनि रास्वपाले आवासीय प्रशिक्षण गराएको थियो। यसपटकको कार्यक्रम भने संसदीय अभ्यासका पक्षहरू र संसद्मा प्रभावकारी भूमिका कसरी निर्वाह गर्ने भन्ने विषयमा केन्द्रित हुनेछ।

आगामी बजेट अधिवेशन नजिकिँदै गर्दा सांसदहरूको क्षमता अभिवृद्धि गर्ने उद्देश्यले यो प्रशिक्षण आयोजना गर्न लागेको पार्टीले जनाएको छ।