काठमाडौं।  आईसीसी क्रिकेट विश्वकप लिग–२ प्रतियोगिताको आगामी शृंखलाअघि खेलिएको अभ्यास खेलमा बिहीबार नेपाल ‘ए’ले भ्रमणकारी टोली स्कटल्यान्डलाई जितका लागि २ सय ७८ रनको लक्ष्य दिएको छ।

मूलपानी क्रिकेट मैदानमा टस जितेर पहिले ब्याटिङ गरेको नेपाल ‘ए’ले निर्धारित ५० ओभरमा ८ विकेट गुमाउँदै २ सय ७७ रन बनाएको हो।

नेपालका लागि देव खनालले उत्कृष्ट अर्धशतकीय पारी खेले। तेस्रो नम्बरमा क्रिज समाल्न आएका उनले ६३ रन बनाए। उनले ६५ बल खेल्दै १ छक्का र ६ चौका प्रहार गरे।

ओपनर मायान यादवले ४५ रनको योगदान दिए। उनले ८६ बलमा १ छक्का र ५ चौका प्रहार गरे। सन्दीप जोराले ३६ बलमा १ छक्का र ३ चौकासहित ३४ रन जोडे।

पवन सर्राफले आक्रामक ब्याटिङ गर्दै १८ बलमा ३ छक्का र १ चौकासहित ३१ रन बनाए। दीपक प्रसाद डुम्रेले अविजित २३ रनको योगदान दिए।

स्कटल्यान्डका बलर ब्राड्ली करी र सफयान सरिफले समान २–२ विकेट लिए।

नेपाल ‘ए’ले राम्रो ब्याटिङ प्रदर्शन गर्दै बलियो लक्ष्य दिएको छ, जसले खेल प्रतिस्पर्धात्मक हुने अपेक्षा गरिएको छ।