नव जारी अध्यादेशपछि तत्कालै बैठक बोलाइएको हो। परिषद् सचिवालयका अनुसार आजको बैठकको मुख्य कार्यसूची प्रधानन्यायाधीशको सिफारिस गर्नु रहेको छ। लामो समयदेखि रिक्त रहेको सर्वोच्च अदालतको नेतृत्व आजै टुंगो लगाउने तयारी सरकारको छ।

२० असोज २०८२ मा तत्कालीन प्रधानन्यायाधीश प्रकाशमानसिंह राउत अवकाशपछि सर्वोच्च अदालत कामु नेतृत्वमा संचालन हुँदै आएको छ। यसले न्यायिक कार्यसम्पादनमा निरन्तरता तथा स्थायीत्वका सवाल उठाउँदै आएकाले आजको बैठकप्रति विशेष ध्यान लागेको छ।

बैठकमा सभामुख डोलप्रसाद अर्याल, राष्ट्रियसभा अध्यक्ष नारायणप्रसाद दाहाल, कानुन तथा न्यायमन्त्री सोविता गौतम, प्रतिनिधिसभाका विपक्षी दलका नेता भीष्मराज आङ्देम्बे र उपसभामुख रुबी कुमारी ठाकुर पनि सहभागी रहेका छन्।

परिषद्ले आजै नयाँ प्रधानन्यायाधीशको नाम सिफारिस गर्ने अपेक्षा गरिएको छ।