काठमाडौं । नेकपा (एमाले) को केन्द्रीय सचिवालय बैठक सुरु भएको छ । अध्यक्ष केपी शर्मा ओली निवास गुण्डुमा सुरु भएको बैठकमा यसअघि अध्यक्ष ओलीले प्रस्ताव गरेको नेताहरूको कार्यविभाजनबारे छलफल गरी निर्णय गर्ने तयारी गरिएको छ ।

गत पुसमा सम्पन्न ११औँ महाधिवेशनबाट निर्वाचित पदाधिकारी तथा केन्द्रीय सदस्यहरूको कार्यविभाजन अहिलेसम्म हुन सकेको थिएन । आजको बैठकले सो विषय टुंगो लगाउने अपेक्षा गरिएको छ ।

त्यसैगरी, बैठकमा पार्टी पुनर्गठन र रूपान्तरणको मुद्दामा केही नेता तथा कार्यकर्ताहरूले चलाइरहेको अभियानबारे पनि छलफल हुने बताइएको छ ।