काठमाडौं। आगामी फिफा विश्वकप २०२६ लाई लक्षित गर्दै नेपालको डिटिएच टेलिभिजन तथा इन्टरनेट सेवा प्रदायक कम्पनी डिशहोमले आफ्ना ग्राहकका लागि विशेष अफर सार्वजनिक गरेको छ।

कम्पनीले बुधबार जारी गरेको सूचनाअनुसार डिटिएच कम्बो तथा आइपिटिभी कम्बो सेवाका ग्राहकहरूले ६ महिना वा १२ महिनाको कम्बो प्याकेज रिचार्ज गरी ९ सय ९९ रुपैयाँमा फिफा विश्वकप २०२६ सिजन पास खरिद गरेमा थप ३ महिनाको निःशुल्क सदस्यता सुविधा प्राप्त गर्नेछन्। यो योजना जुन १ देखि जुलाई २१ सम्म लागू रहने कम्पनीले जनाएको छ।

फिफा विश्वकप २०२६ अन्तर्गतका सबै १ सय ४ खेल हिमालय स्पोर्ट्समार्फत प्रत्यक्ष प्रसारण हुनेछन्। ग्राहकहरूले डिशहोमका डिटिएच, आइपिटिभी, डिगो, केबल टिभी तथा टिटु टिभी प्लेटफर्ममार्फत ती खेलहरू हेर्न सक्नेछन्।

डिशहोमले विश्वकपलाई अझ सहज र किफायती रूपमा दर्शकमाझ पुर्‍याउने उद्देश्यले यो योजना ल्याएको जनाएको छ। कम्पनीका अनुसार विश्वकै प्रतिष्ठित खेलकुद महोत्सवमध्ये एक मानिने फिफा विश्वकपका खेलहरू उत्कृष्ट गुणस्तरमा हेर्ने अवसर प्रदान गर्न विशेष योजना सञ्चालन गरिएको हो।

इच्छुक ग्राहकहरूले आफ्नो नजिकको डिशहोम डिलर वा कम्पनीको आधिकारिक वेबसाइटमार्फत सिजन पास खरिद गर्न सक्नेछन्। थप जानकारीका लागि ग्राहक सेवा केन्द्रमा सम्पर्क गर्न सकिने कम्पनीले जनाएको छ।