काठमाडौं । देशका दुई फरक जिल्लामा एक महिला र एक पुरुष मृत अवस्थामा फेला परेका छन्।

नेपाल प्रहरीका अनुसार रूपन्देहीको सियारी गाउँपालिका–४ खैरेनीडिहीस्थित दानव नदी किनारमा अन्दाजी ४० वर्षीया एक महिला मंगलबार मृत अवस्थामा भेटिएकी हुन्। उनको हालसम्म पहिचान खुल्न सकेको छैन।

त्यसैगरी पर्वतको कुश्मा नगरपालिका–१ सस्रधारास्थित कालीगण्डकी नदीमा पनि पहिचान नखुलेका एक पुरुषको शव फेला परेको प्रहरीले जनाएको छ।

दुवै घटनाको कारण खुल्न बाँकी रहेको प्रहरीले जनाएको छ।

शवको पहिचान, मृत्युको कारण तथा घटनासम्बन्धी अन्य पक्षबारे सम्बन्धित जिल्ला प्रहरी कार्यालयहरूले अनुसन्धान अघि बढाएका छन्।