डोल्पा। डोल्पाको जगदुल्ला गाउँपालिका–५ गैरीगाउँमा अविरल वर्षापछि आएको हिलोसहितको बाढीमा परी एक महिलाको मृत्यु भएको छ भने ६ जना घाइते भएका छन्।

आइतबार बिहान करिब ३ बजे धुलाखोला तथा आसपासका खोल्सामा आएको हिलोमाटोसहितको बाढी गाउँमा पस्दा स्थानीय अन्दाजी ५६ वर्षीया आनन्दी विकको घटनास्थलमै मृत्यु भएको प्रहरीले जनाएको छ।

बाढीका कारण अन्य ६ जना घाइते भएका छन्। उनीहरूको उद्धार गरी उपचारको व्यवस्था गरिएको जनाइएको छ।

घटनालगत्तै सुरक्षाकर्मी, स्थानीय जनप्रतिनिधि तथा बासिन्दा प्रभावित क्षेत्रमा पुगेर उद्धार तथा राहत कार्यमा जुटेका छन्। बाढीले घर तथा अन्य भौतिक संरचनामा पुगेको क्षतिको विवरण संकलन भइरहेको छ।

प्रशासनले प्रभावित क्षेत्रमा सतर्कता अपनाउन आग्रह गर्दै निरन्तर वर्षाका कारण नदी, खोला र पहिरोको उच्च जोखिम रहेकाले आवश्यक सावधानी अपनाउन अनुरोध गरेको छ।

तस्वीरहरू: