काठमाडौं। प्रधानमन्त्री वालेन्द्र शाह(बालेन)ले बिहिवार प्रधानमन्त्री तथा मन्त्रिपरिषद्को कार्यालय, सिंहदरबारमा नेपाल अर्ग्यानिक सङ्घका पदाधिकारी तथा जैविक कृषि व्यवसायीसँग छलफल गर्दै भएका छन्।

छलफलमा अर्ग्यानिक कृषि उत्पादन, प्रशोधन, व्यापार, बजारीकरण तथा निर्यात प्रवर्द्धनका विषयमा केन्द्रित भएर सरकार र निजी क्षेत्रबीच विचार–विमर्श हुने जनाइएको छ।

प्रधानमन्त्रीसँगको छलफलमा नेपाल अर्ग्यानिक सङ्घका अध्यक्ष दीपक बास्कोटा, उपाध्यक्ष प्रेम लामा, गोर्खा टी इस्टेटका अध्यक्ष उदय चापागाईं, हिमालयन साङ्ग्रिला टी फ्याक्ट्रीका अध्यक्ष कमल मैनाली तथा अन्नपूर्ण अर्ग्यानिक एग्रो इन्डस्ट्रिजका अध्यक्ष परशुराम आचार्य सहभागी छन् ।

नेपाल अर्ग्यानिक सङ्घ जैविक कृषि उत्पादन, प्रशोधन, व्यापार तथा उपभोगको प्रवर्द्धनमा सक्रिय संस्था हो।

प्रधानमन्त्री शाहले पछिल्ला दिनमा उद्योग, व्यवसाय र उत्पादनमूलक क्षेत्रका प्रतिनिधिसँग नियमित संवाद गर्दै उनीहरूले भोगिरहेका समस्या, सुझाव र आवश्यकताबारे प्रत्यक्ष जानकारी लिने तथा त्यसका आधारमा नीतिगत सुधार र सहजीकरणका पहललाई निरन्तरता दिँदै आएका छन्।