सिन्धुली। सोमबार दिउँसो सिन्धुलीको फिक्कल गाउँपालिका–स्थित नवलपुर क्षेत्रमा कार सुनकोसी नदीमा खसेको छ।

जिल्ला प्रहरी कार्यालय सिन्धुलीका अनुसार काठमाडौंमा ओखलढुङ्गातर्फ जाँदै गरेको बसले कारलाई ठक्कर दिएपछि कार सडकबाट नदीमा खसेको प्रारम्भिक जानकारी प्राप्त भएको हो।

नदीमा खसेको कारको नम्बर खुलेको छैन। कारमा तीन जना सवार रहेको सूचना आए पनि प्रहरीले त्यसको पुष्टि गरिसकेको छैन।

घटनाको सूचना पाएलगत्तै प्रहरी टोली घटनास्थलतर्फ परिचालन गरिएको छ। घटनास्थलमा प्रहरी पुगेपछि मात्र दुर्घटनाको अवस्था र मानवीय क्षतिबारे थप विवरण खुल्ने प्रहरीले जनाएको छ।