काठमाडौं । सरकारले लगानी बोर्डको प्रमुख कार्यकारी अधिकृत (सीईओ) पदमा याङ्की उक्याबलाई नियुक्त गरेको छ ।

मन्त्रिपरिषद्को बैठकले उक्याबलाई लगानी बोर्डको प्रमुख कार्यकारी अधिकृतमा नियुक्त गर्ने निर्णय गरेको सरकारका प्रवक्ता तथा शिक्षा तथा खेलकुदमन्त्री सस्मित पोखरेलले जानकारी दिए ।

लगानी बोर्डले ठूला पूर्वाधार तथा लगानीसम्बन्धी परियोजनामा सहजीकरण गर्दै आएको छ । बोर्डको नेतृत्वमा नयाँ नियुक्तिसँगै लगानी प्रवर्द्धन, ठूला परियोजनाको कार्यान्वयन र विदेशी लगानी आकर्षित गर्ने कामलाई थप गति दिने सरकारको अपेक्षा छ ।

मन्त्रिपरिषद्ले गरेको निर्णय सार्वजनिक गर्दै मन्त्री पोखरेलले उक्याबको नियुक्तिबारे जानकारी दिएका हुन् ।