काठमाडौं । सरकारले सुनसरी र सिराहा जिल्लामा भएका प्रदर्शनका क्रममा मृत्यु भएका तथा घाइते भएकाहरूलाई राहत, क्षतिपूर्ति र उपचारको व्यवस्था गर्ने निर्णय गरेको छ ।

मन्त्रिपरिषद्को बैठकले प्रदर्शनका क्रममा ज्यान गुमाएका व्यक्तिका परिवारलाई क्षतिपूर्ति उपलब्ध गराउने तथा घाइतेहरूको उपचारको व्यवस्था गर्ने निर्णय गरेको सरकारका प्रवक्ता तथा शिक्षा तथा खेलकुदमन्त्री सस्मित पोखरेलले जानकारी दिए ।

पछिल्लो समय सुनसरी र सिराहामा भएका प्रदर्शन तथा त्यसक्रममा भएको झडपपछि मानवीय क्षति भएको थियो । घटनापछि पीडित परिवारले राहत, क्षतिपूर्ति तथा उपचारको माग गर्दै आएका थिए ।

सरकारको पछिल्लो निर्णयले घटनामा मृत्यु भएका परिवार तथा घाइतेलाई राज्यको तर्फबाट राहत तथा उपचार उपलब्ध गराउने प्रक्रिया अघि बढ्ने भएको छ ।

क्षतिपूर्ति तथा उपचारको विस्तृत कार्यविधि सम्बन्धित निकायमार्फत कार्यान्वयन गरिनेछ ।