काठमाडौं । सरकारले विश्वविद्यालय अनुदान आयोगको रिक्त अध्यक्ष र सचिव पदमा नियुक्ति गरेको छ ।

मन्त्रिपरिषद्को बैठकले आयोगको अध्यक्षमा प्राध्यापक डा. खड्गबहादुर केसी र सचिवमा प्राध्यापक डा. रोजी श्रेष्ठलाई नियुक्त गर्ने निर्णय गरेको हो ।

सरकारका प्रवक्ता तथा शिक्षा तथा खेलकुदमन्त्री सस्मित पोखरेलले आयोगमा रिक्त रहेका दुवै पदमा नियुक्ति गरिएको जानकारी दिए ।

विश्वविद्यालय तथा उच्च शिक्षासम्बन्धी नीति, अनुदान वितरण र शैक्षिक संस्थाको विकासमा विश्वविद्यालय अनुदान आयोगको महत्वपूर्ण भूमिका रहँदै आएको छ ।

नयाँ नेतृत्वसँगै आयोगका नियमित काम तथा उच्च शिक्षा क्षेत्रसँग सम्बन्धित कार्यक्रमलाई थप प्रभावकारी बनाउने अपेक्षा गरिएको छ ।