काठमाडौं । जेनजी अभियन्ता मिराज ढुंगानाको समूहले मुलुकमा देखिएका विभिन्न समसामयिक विषयबारे आफ्नो धारणा सार्वजनिक गरेको छ।

समूहले बिहीबार काठमाडौंमा पत्रकार सम्मेलन आयोजना गर्दै अवैधानिक शरणार्थीको सम्भावित खतरा, सेयर बजारको अवस्था, नेपाली सेनाको दुरुपयोग, बढ्दो भूराजनीतिक संकट तथा प्रधानमन्त्रीका सल्लाहकारहरूको गतिविधिलगायत विषयमा आफ्नो धारणा सार्वजनिक गरेको हो।

पत्रकार सम्मेलनमा मुलुकको राष्ट्रिय सुरक्षा, अर्थतन्त्र, राजनीतिक निर्णय प्रक्रिया तथा सरकारको कार्यशैलीसँग सम्बन्धित विषयहरू उठाइएको थियो।

विशेषगरी अवैधानिक रूपमा नेपालमा प्रवेश गर्ने वा बसोबास गर्ने शरणार्थीबाट उत्पन्न हुन सक्ने सुरक्षा तथा सामाजिक चुनौतीप्रति समूहले ध्यानाकर्षण गराएको छ। त्यस्तै, सेयर बजारसँग सम्बन्धित विषयमा समेत समूहले आफ्नो धारणा सार्वजनिक गरेको जनाएको छ।

समूहले नेपाली सेनाको भूमिकासँग जोडिएका विषय तथा सेनाको सम्भावित दुरुपयोगबारे पनि प्रश्न उठाएको छ। नेपालको भूराजनीतिक अवस्थाका कारण उत्पन्न हुन सक्ने चुनौती र त्यसले राष्ट्रिय हितमा पार्न सक्ने प्रभावबारे समेत पत्रकार सम्मेलनमा चर्चा गरिएको थियो।

यसैगरी प्रधानमन्त्रीका सल्लाहकारहरूको गतिविधि र सरकारको निर्णय प्रक्रियामा उनीहरूको भूमिकाबारे पनि समूहले प्रश्न उठाएको छ।

समूहले यी विषयलाई राष्ट्रिय हित, सुशासन, सुरक्षा र आर्थिक अवस्थासँग जोडेर सार्वजनिक बहसको विषय बनाउनुपर्ने धारणा राखेको छ।

तस्वीरहरू: