काठमाडौं। सिरहाको गोलबजारस्थित चौहर्वा जामे मस्जिद आन्दोलनका क्रममा क्षतिग्रस्त भएको छ।

सुनसरीको घटनालाई लिएर गोलबजारमा भएको विवादका क्रममा साउन १४ गते गोली लागेर एक किशोरको मृत्यु भएपछि उत्पन्न तनावका बीच मस्जिदमा तोडफोड तथा आगजनी भएको हो।

आगलागीका कारण मस्जिदभित्र रहेका धार्मिक सामग्रीमा समेत क्षति पुगेको छ। मस्जिदमा रहेका हदीस तथा पवित्र कुरानका प्रतिलिपिसमेत जलेका छन्।

किशोरको मृत्यु भएपछि गोलबजार क्षेत्रमा तनाव बढेको थियो। सोही क्रममा प्रदर्शन र विवाद चर्किँदा चौहर्वा जामे मस्जिदमा तोडफोड तथा आगजनी भएको बताइएको छ।

घटनापछि मस्जिदको भौतिक संरचनामा क्षति पुगेको छ भने धार्मिक ग्रन्थ तथा अन्य सामग्री जलेर नष्ट भएका छन्। घटनाले स्थानीय मुस्लिम समुदायमा समेत चिन्ता बढाएको छ।
तस्वीरहरू:

तस्बिर : सुरेश राय/नेपाल फोटो लाइब्रेरी