काठमाडाैंं। ठगी मुद्दामा आफूविरुद्ध फैसला आएपछि एक अधिवक्ताले सर्वोच्च अदालत परिसरमै आत्महत्या प्रयास गरेका छन्।

ठगीसम्बन्धी मुद्दामा फैसला आफ्नो विपक्षमा आएपछि अधिवक्ता लालबहादुर राईले सुसाइड नोट लेखेर सर्वोच्च अदालतको भवनबाट हामफाल्ने प्रयास गरेको बताइएको छ।

घटनाबारे सर्वोच्च अदालतका प्रवक्ता अर्जुन कोइरालाले आफूले पनि सोही विवरण सुनेको बताएका छन्।

सर्वोच्च अदालत सुरक्षा प्रहरी प्रमुख एसपी अर्जुनप्रसाद तिमल्सिनाका अनुसार आत्महत्या प्रयास गरेका अधिवक्ता राई सकुशल छन्।

 घटनाबारे थप विवरण आउन बाँकी रहेको प्रहरीले जनाएको छ।