काठमाडौं । प्राकृतिक विपत्तिबाट प्रभावित नागरिकको राहत तथा पुनर्निर्माणमा सहयोग गर्न चाहने विदेशमा रहेका नेपाली र अन्तर्राष्ट्रिय दाताका लागि सरकारले अनलाइन पोर्टल सञ्चालनमा ल्याएको छ।

पोर्टल सञ्चालनमा आएपछि विदेशमा रहेका नेपाली तथा विभिन्न दातृ निकायले प्रधानमन्त्री दैवी प्रकोप उद्धार कोषमा सिधै रकम जम्मा गर्न सक्ने भएका छन्।

विदेशबाट सहयोग पठाउँदा देखिने प्राविधिक झन्झट हटाउनुका साथै सहयोग संकलनलाई पारदर्शी र व्यवस्थित बनाउन पोर्टल तयार गरिएको अर्थ मन्त्रालयले जनाएको छ।

सरकारले विपद् प्रभावितको राहत, पुनःस्थापना तथा पुनर्निर्माणका लागि इच्छुक दातालाई यही आधिकारिक माध्यमबाट सहयोग गर्न आग्रह गरेको छ।

सहयोग पठाउने सरकारी पोर्टल