नुवाकोट। गृहमन्त्री सुधन गुरुङ नुवाकोटको बट्टार पुगेका छन्।

रसुवामा बाढीपछि जारी उद्धार तथा राहत कार्यको स्थलगत अवस्थाबारे जानकारी लिन बट्टार पुगेका गृहमन्त्री गुरुङले रसुवाको धुञ्चे, टिमुरेलगायत प्रभावित क्षेत्रमा उद्धार कार्यलाई थप प्रभावकारी बनाउन निर्देशन दिएका छन्।

उनले प्रभावित क्षेत्रमा फसेका नागरिकको तत्काल उद्धार तथा राहत व्यवस्थापनलाई प्राथमिकतामा राखेर काम गर्न सम्बन्धित सुरक्षा निकाय तथा प्रशासनलाई निर्देशन दिएका हुन्।

यसअघि बिहीबार प्रधानमन्त्री बालेन शाह र भौतिक पूर्वाधारमन्त्री सुनिल लम्सालसमेत बाढी प्रभावित क्षेत्रको अवस्थाबारे जानकारी लिन बट्टार पुगेका थिए।