काठमाडाैं। बाढीका कारण विभिन्न ठाउँमा फसेका ३ हजार २५३ जनाको उद्धार गरिएको छ। रसुवामा आएको बाढी र पहिरोका कारण विभिन्न स्थानमा फसेका नागरिकको उद्धार कार्य तीव्र पारिएको छ। विपद्का कारण सडक तथा स्थानीय आवागमन अवरुद्ध भएपछि नेपाली सेना, नेपाल प्रहरी, सशस्त्र प्रहरी र स्थानीय उद्धार टोली परिचालन भएका छन्।

कठिन भौगोलिक अवस्था र प्रतिकूल मौसमका बाबजुद उद्धारकर्मीहरूले जोखिम मोलेर फसेका नागरिकलाई सुरक्षित स्थानमा ल्याइरहेका छन्।उद्धार गरिएकाहरूलाई सुरक्षित स्थानमा स्थानान्तरण गर्नुका साथै आवश्यक राहत तथा खानाको व्यवस्थासमेत मिलाउने प्रयास भइरहेको छ। बाढी र पहिरोबाट प्रभावित क्षेत्रमा थप क्षति हुन नदिन सुरक्षाकर्मी तथा स्थानीय प्रशासनले निगरानी बढाएका छन्।

जोखिमयुक्त क्षेत्रमा रहेका नागरिकलाई सुरक्षित स्थानमा जान आग्रह गरिएको छ। साथै, अवरुद्ध सडक तथा सञ्चार सम्पर्क पुनः सञ्चालनका लागि सम्बन्धित निकायले काम गरिरहेका छन्। विपद्का कारण थप समस्या आउन सक्ने भएकाले नागरिकलाई सतर्क रहन र आधिकारिक सूचनामात्र विश्वास गर्न आग्रह गरिएको छ। प्रभावित क्षेत्रमा तथा उद्धार कार्यलाई निरन्तरता दिइने प्रशासनले जनाएको छ।