काठमाडाै‌ं । रास्वपा सांसददेखि मन्त्रीसम्मले भोटेकोशी र त्रिशूली नदीको भीषण बाढीले क्षतिग्रस्त ठाउँमा गएर फोटो खिच्दै फेसबुकमा राख्न थालेपछि सभापति रवि लामिछाने आक्रोशित भएका छन् ।

उनले निर्देशन दिँदै भनेका छन्– अनावश्यक रुपमा बाढीग्रस्त क्षेत्रमा गएर फोटो खिच्नै सामाजिक सञ्जालमा नहाल्नु ।

सञ्चारमन्त्री डा. विक्रम तिमिल्सिना, सांसदहरु आशिका तामाङ, टीका संग्रौला (ज्वाला)लगायत रास्वपा सांसदहरू बाढीले देश नै शोकमा रहेको बेला नदी क्षेत्रमा गएर फोटो खिचाएका थिए । त्यसपछि थुप्रैले उनीहरुको आलोचना गरे ।

उद्धार र राहत सुस्त भएको बेला सत्तारुढ दलकै मन्त्रीदेखि सांसदसम्मले तमासा देखाएको भन्दै विरोध बढ्दै जाँदा रविले अनावश्यक रुपमा नजान निर्देशन दिएका हुन् ।

उनले सके उद्धार र राहतमा सहयोग गर्न निर्देशन दिए । रसुवाको ल्हेन्दे खोला हुँदै भोटेकोशी र त्रिशूली नदीमा हालै आएको बाढीले ठूलो जनधनको क्षति पुगेको छ ।

यस्तोमा रास्वपाका सांसदहरु आशिका तामाङ, ज्वाला लगायत भने फोटो खिच्ने र स्टन्ट गर्ने गरिरहेका छन् ।