काठमाडौं । नागढुंगा पातले वनमा सडक भासिएपछि प्रभावित भएको सडकमा अहिले पेट्रोलियम पदार्थ बोकेका र दुईपाङ्ग्रे बाहेकका सवारीलाई नागढुंगा सुरुङमार्गबाट मुग्लिनतर्फ जान दिइएको छ।

सडक विभागका अनुसार पेट्रोलियम पदार्थ बोकेका सवारी र मोटरसाइकललाई भने भासिएको सडकबाट एकतर्फी सञ्चालनको व्यवस्था मिलाइएको छ।

भासिएको सडकको प्राविधिक अध्ययनपछि मर्मत सुरु गरिने र त्यसपछि पूर्ण रूपमा यातायात सञ्चालन गर्नेबारे निर्णय गरिने विभागले जनाएको छ।