काठमाडौं । संवैधानिक निकायका पदाधिकारीलाई पदबाट अवकाश पाएपछि दुई वर्षसम्म ‘कुलिङ अफ पिरियड’ राख्ने प्रस्ताव गरिएको छ।

संवैधानिक निकायका पदाधिकारीहरूको पारिश्रमिक, सेवाको सर्त र सुविधासम्बन्धी (पहिलो संशोधन) विधेयक, २०८३ मा संशोधन प्रस्ताव राख्दै एमाले सांसद एशुदाकुमारी बरालले यस्तो व्यवस्था गर्न माग गरेकी हुन्।

हाल प्रचलित ऐनको दफा १८ मा संवैधानिक निकायका पदाधिकारीले पदबाट अवकाश पाएपछि निवृत्तभरण वा उपदान पाउने व्यवस्था छ।

बरालले यही व्यवस्थामा संशोधन गर्दै अवकाशपछि दुई वर्षसम्म निश्चित जिम्मेवारी वा नियुक्तिमा रोक लगाउने ‘कुलिङ अफ पिरियड’को प्रावधान प्रस्ताव गरेकी हुन्।