काठमाडौं । प्रधानमन्त्री वालेन्द्र शाह(बालेन)ले ‘प्रधानमन्त्री दैवी उद्धार कोष’मा हालसम्म ७ अर्ब ८८ लाख ५७ हजार २१७ रुपैयाँ जम्मा भएको जानकारी दिएका छन्।

बुधबार प्रतिनिधिसभा बैठकमा सम्बोधन गर्दै उनले उक्त रकम जम्मा भएको जानकारी दिएका हुन्।

उनले विपद् व्यवस्थापनका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई १ अर्ब रुपैयाँ निकासा गरिएको बताए।

उक्त रकममध्ये हालसम्म १५ स्थानीय तहका लागि ६ करोड ७५ लाख रुपैयाँ निकासा भइसकेको उनले जानकारी दिए।

प्रभावित स्थानीय तहमा सिधै बजेट पठाएर राहत र पुनःस्थापनाका काम अघि बढाइएको उनको भनाइ छ।

प्रधानमन्त्री शाहले उपलब्ध स्रोतसाधनको अधिकतम उपयोग गर्दै विपद्मा नागरिकको ज्यान र सम्पत्तिको सुरक्षा गर्न सरकार प्रतिबद्ध रहेको बताए।