काठमाडौं । प्रधानमन्त्री बालेन शाह संयुक्त राष्ट्रसंघको ८१औँ महासभामा सहभागी भएर स्वदेश फर्किएका छन् । उनी केहीबेरअघि त्रिभुवन अन्तर्राष्ट्रिय विमानस्थलमा अवतरण गरेका हुन् ।

महासभामा सहभागी हुन प्रधानमन्त्री शाह गत मंगलबार साँझ अमेरिका प्रस्थान गरेका थिए । उनले महासभाको ८औँ दिन नेपालका तर्फबाट सम्बोधन गरेका थिए ।

अमेरिका भ्रमणका क्रममा प्रधानमन्त्री शाहले विभिन्न देशका प्रतिनिधि तथा अन्तर्राष्ट्रिय समुदायका प्रतिनिधिसँग भेटवार्ता गरेका थिए । भेटवार्ताका क्रममा उनले नेपालको प्राथमिकता तथा अन्तर्राष्ट्रिय सहकार्यका विषयमा धारणा राखेका थिए ।

महासभालाई सम्बोधन गर्दै उनले नेपालले जलवायु परिवर्तन, जलवायु न्याय, विपद् व्यवस्थापन तथा अन्तर्राष्ट्रिय सहकार्यका विषयलाई प्राथमिकतामा राखेको बताएका थिए । साथै, नेपालको विकास र पुनर्निर्माणका लागि अन्तर्राष्ट्रिय समुदायको सहयोग आवश्यक रहेकोमा जोड दिएका थिए ।