अर्घाखाँची। अविरल वर्षासँगै पहिरो खसेपछि सालझन्डी–सन्धिखर्क–ढोरपाटन सडक अवरुद्ध भएको छ।

मालारानी गाउँपालिका–५ अन्तर्गत भण्डार–छरछरे क्षेत्रमा पहिरो खस्दा सडक पूर्णरूपमा बन्द भएको हो। पहिरोका कारण उक्त सडकखण्डमा यातायात आवागमन ठप्प भएको वडा अध्यक्ष तिलक मिश्रले जानकारी दिए।

सडक अवरुद्ध भएपछि यात्रु तथा सवारीसाधन बीच बाटोमै रोकिनुपर्ने अवस्था आएको छ। तत्कालका लागि उक्त मार्ग प्रयोग नगर्न र सम्भव भएसम्म वैकल्पिक सडक रोज्न आग्रह गरिएको छ।

वर्षा जारी रहेकाले आसपासका क्षेत्रमा थप पहिरोको जोखिमसमेत रहेको भन्दै यात्रु तथा चालकलाई सतर्कता अपनाउन भनिएको छ।