काठमाडौं । नेपाली कांग्रेसको १५औँ महाधिवेशनको उद्घाटन समारोह आज काठमाडौंको खुलामञ्चमा हुँदैछ। दिउँसो २ बजे हुने उद्घाटनका लागि मञ्च निर्माणदेखि कुर्सी व्यवस्थापन र झण्डा राख्नेसम्मका काम पूरा भएका छन्।

महाधिवेशन उद्घाटनस्थलमा आवश्यक तयारी पूरा भएसँगै खुलामञ्चमा चहलपहल बढेको छ। देशभरबाट आएका महाधिवेशन प्रतिनिधि तथा नेताहरूको उपस्थितिमा पार्टीको नयाँ नेतृत्व चयन र भावी राजनीतिक दिशाबारे छलफल अघि बढ्नेछ।

कांग्रेस प्रवक्ता देवराज चालिसेका अनुसार यस महाधिवेशनमा ७ हजार ५०० भन्दा बढी प्रतिनिधि सहभागी हुने अपेक्षा गरिएको छ। उद्घाटन समारोहमा पार्टी सभापति गगनकुमार थापासहित कांग्रेसका शीर्ष नेता र अन्य राजनीतिक दलका नेताहरूले सम्बोधन गर्ने कार्यक्रम छ।

उद्घाटनपछि सोमबार र मंगलबार बन्दसत्र तथा अन्य कार्यक्रम सञ्चालन हुनेछन्। पार्टीको नयाँ नेतृत्व चयनका लागि असोज २१ र २२ गते निर्वाचन गर्ने तालिका छ।