Tag: एनपीएल

काठमाडौं । नेपाल प्रिमियर लिग (एनपीएल) अन्तर्गत शनिबारको पहिलो खेलमा लुम्बिनी लायन्सले कर्णाली याक्सविरुद्ध १५७ रनको लक्ष्य प्रस्तुत गरेको छ ।

शनिबार कीर्तिपुरस्थित त्रिवि क्रिकेट रंगशालामा टस हारेर ब्याटिङमा आएको लुम्बिनीले निर्धारित २० ओभरमा आठ विकेट गुमाएर १५६ रनको योगफल खडा गरेको हो ।

लुम्बिनीका लागि कप्तान रोहित पौडेलले ३९ रन बनाए। उनले ४३ बलमा चार चौका र दुई छक्का प्रहार गरे। त्यस्तै, रुबेन ट्रम्पलमेनले २९, जोनाथन स्मिथले २३ र डिआर्सी सोर्टले १९ रन बनाए। अन्य खेलाडीले दोहोरो अंक पनि जोड्न सकेनन्।

कर्णालीका लागि नन्दन यादवले दुई, सोमपाल कामी, गुल्सन झा, मार्क वाट, विपिन शर्मा र युवराज खत्रीले एक–एक विकेट लिए।

काठमाडौं । पोखरा एभेन्जर्सविरुद्ध सुदूरपश्चिम रोयल्सका जोस ब्राउनले अर्धशतक प्रहार गरेका छन् । सिद्धार्थ बैंक नेपाल प्रिमियर लिग (एनपीएल) मा शुक्रबार जोसले २९ बलमा अर्धशतक बनाएका हुन् । उनले पाँच चौका र तीन छक्का प्रहार गरेका हुन् ।
कीर्तिपुरस्थित त्रिवि क्रिकेट मैदानमा पहिले ब्याटिङ गरेको सुदूरपश्चिमले राम्रो सुरुवात गरेको छ । सुदूरपश्चिमका प्रारम्भिक ब्याटरद्वय जोस र विनोद भण्डारीले आक्रामक ब्याटिङ गरेका छन् ।

काठमाडौं । सिद्धार्थ बैक नेपाल प्रिमियर लिग (एनपीएल) मा पोखरा एभेन्जर्सविरुद्ध सुदूरपश्चिम रोयल्सले पहिले ब्याटिङ गर्ने भएको छ । कीर्तिपुरस्थित त्रिवि क्रिकेट मैदानमा शुक्रबार पोखरा एभेन्जर्सका कप्तान कुशल भुर्तेलले टस जितेर पहिले बलिङ गर्ने निर्णय गरेका छन् । सुदूरपश्चिमले पहिलो खेलमा काठमाडौ गोर्खाजलाई २९ रनले पराजित गरेको थियो । पोखरा भने पहिलो खेलमा विराटनगर किंग्ससँग ५३ रनले पराजित भएको थियो ।

पोखरा आजको खेलमा पहिलो जितको खोजीमा छ । सुदूरपश्चिम भने लगातार दोस्रो जित निकाल्न चाहन्छ । पोखराले अघिल्लो खेलेको टोलीबाट आज दुई खेलाडी परिवर्तन गरेको छ । तीर्थराज दासको स्थानमा विपिन खत्री र म्याट टेलरको स्थानमा सुमित बर्मा सुरुवाति ११ मा आएका छन् । सुदूरपश्चिमले भने विराटनगरविरुद्ध खेलेको टोलीलाई नै निरन्तरता दिएको छ ।

पोखरा एभेन्जर्सको टोली – कुशल भुर्तेल, दिनेश खरेल, किरणकुमार ठगुन्ना, सागर ढकाल, अविषेक तिवारी, आकाश चन्द, विपिन खत्री, सुमित वर्मा, आडम रोसिङटोन, डेनियल डाउथवेट, जिम्मी निसम ।

सुदूरपश्चिम रोयल्सको टोली– दीपेन्द्रसिंह ऐरी, आरिफ शेख, अविनास बोहरा, नरेन साउँद, इशान पाण्डे, विनोद भण्डारी, हेमन्त धामी, क्रिस लिन, स्कट कुग्लिजिन, जोस ब्राउन, हरमित सिंह ।

काठमाडौं । नेपाल प्रिमियर लिग (एनपिएल)अन्तर्गत आजको खेलमा चितवन राइनोजले लुम्बिनी लायन्स सामू १४३ रनको लक्ष्य प्रस्तुत गरेको छ ।

त्रिभुवन विश्वविद्यालय अन्तरराष्ट्रिय क्रिकेट रङ्गशाला, कीर्तिपुरमा टस हारेर पहिले ब्याटिङ गरेको चितवनले निर्धारित २० ओभरमा सात विकेटको क्षतिमा १४२ रन बनायो ।

चितवनको सुरुआत भने सुखद रहेन । कूल ४३ रन जोड्दा तीन विकेट गुमाएको चितवनका लागि कप्तान कुशल मल्ल र रवी बोपराले ४४ रनको साझेदारी गर्दै पारीलाई सम्हाल्ने प्रयास गरे । १५ दशमलव २ ओभरमा टिमको स्कोर ८७ हुँदा कप्तान मल्ल व्यक्तिगत २१ रनमा आउट भए । रवी वोपरा भने अर्धशतकी पारी खेले । उनी ६६ रनमा आउट भए ।

यस्तै देव खनालले १४, दीपक बोहराले १०, सैफ जैब १५, अर्जुन साउँदले अविजित १५ र शाहिल तनवीरले पाँच रन बनाए । बलिङमा लुम्बिनीका रुबेन ट्रम्पेलम्यानले तीन विकेट लिए भने अभिषेश गौतम र गुलबदिन नैबले समान दुई/दुई विकेट लिए ।

प्रतियोगितामा आफ्नो पहिलो खेल खेलिरहेको लुम्बिनी सुखद् सुरुआतको खोजीमा छ । चितवन भने लगातार दोस्रो जितको लक्ष्यमा रहेको छ ।

काठमाडौं । सिद्धार्थ बैंक नेपाल प्रिमियर लिग (एनपीएल) मा लुम्बिनी लायन्स विरुद्धको खेलमा चितवन राइनोज दबाबमा परेको छ । कीर्तिपुरस्थित त्रिवि मैदानमा पहिले ब्याटिङ गरेको चितवन पहिलो ओभरमै विकेट गुमाउन पुगेको हो । चितवनका प्रारम्भिक ब्याटर डेभिड मलान शून्यमा आउट भए ।

उनलाई लुम्बिनीका रुबेन ट्रम्पलमेनले बोल्ड गरेका थिए । चौथो ओभरमा दीपक बोहरा १० रनमा आउट भएका छन् । उनलाई अभिनाष गौतमले आउट गरे । अहिले देव खनाल र रवि बोपारा क्रिजमा छन् ।

काठमाडौं । नेपाल प्रिमियर लिग (एनपीएल) सिजन–२ मा चितवन राइनोजविरुद्ध लुम्बिनी लायन्सले पहिला फिल्डिङ गर्ने भएको छ । त्रिवि क्रिकेट मैदानमा चितवनविरुद्ध लुम्बिनीका कप्तान रोहित पौडेलले टस जितेर पहिला फिल्डिङ गर्ने निर्णय लिएका हुन् । एनपीएलमा लुम्बिनीले पहिलो खेल खेल्न लागेको हो । चितवन भने दोस्रो जितको खोजीमा हुनेछ । पहिलो खेलमा चितवनले कर्णाली याक्सलाई पराजित गरेको थियो ।

अघिल्लो खेलको टोलीमा चितवनले एक खेलाडी परिवर्तन गरेको छ । विपिन आचार्यको स्थानमा अमरसिंह राउटेला सुरुवाति ११ मा परेका छन् । ट्यालेन्ट हन्टबाट आएका लुम्बिनीका समिर अलीले एनपीएलमा डेब्यु गर्दै छन्। लुम्बिनीको यो पहिलो खेल हो ।
लुम्बिनी लायन्स–रोहित पौडेल, सन्दीप जोरा, दिलीप नाथ, शेर मल्ल, अविशेष गौतम, दिनेश अधिकारी, डि आर्सी जोन म्याथु सर्ट, गुल्बदिन नैब, रुबेन ट्रम्पल म्यान, जोनाथन स्मिथ, समिर अली ।
चितवन राइनोज– कुशल मल्ल, रिजन ढकाल, देव खनाल, अर्जुन साउद, अमरसिंह रौटेला, दिपक बोहरा, कमलसिंह ऐरि, डेबिड मलान, रबि बोपारा, सैफ जैब, सोहेल तनवीर ।

काठमाडौं । नेपाल प्रिमियर लिग (एनपीएल) को आफ्नो दोस्रो खेलमा काठमाण्डू गोर्खाजले सुदूरपश्चिम रोयल्सविरुद्ध फिल्डिङ गर्ने भएको छ ।

बुधबार कीर्तिपुरस्थित त्रिवि क्रिकेट मैदानमा हुने खेलका निम्ति भएको टस जितेर काठमाण्डूका कप्तान करण केसीले फिल्डिङ रोज्दै सुदूरपश्चिमलाई ब्याटिङमा निम्त्याएका हुन् ।

प्रतियोगितामा काठमाण्डूको यो दोस्रो खेल हो । काठमाण्डूले यसअघि पहिलो खेलमा साविक विजेता जनकपुर बोल्ट्सलाई पाँच विकेटले निराश बनाएको थियो ।

यता, सुदूरपश्चिमको भने यो पहिलो खेल हो । यसअघि, यी दुई टिमले पहिलो संस्करणमा एकपटक एक–अर्काविरुद्ध प्रतिस्पर्धा गरेका थिए । लिग चरणको उक्त खेलमा सुदूरपश्चिमले काठमाण्डूविरुद्ध ७३ रनको सहज जित निकालेको थियो ।

कीर्तिपुरस्थित त्रिवि क्रिकेट मैदानमा हुने यो खेल अपराह्न ४ बजेदेखि सुरु हुनेछ ।

काठमाडौं । नेपाल प्रीमियर लिग (एनपीएल) सिजन–२ को दोस्रो दिनको दोस्रो खेलमा विराटनगर किंग्सले पोखरा एभेन्जर्सलाई २२१ रनको विशाल लक्ष्य दिएको छ।

सिद्धार्थ बैंक नेपाल प्रिमियर लिग (एनपीएल) अन्तर्गत मंगलबार पहिले ब्याटिङ गरेको विराटनगरले चार विकेटको क्षतिमा २२० रन बनाएको हो। यो एनपीएलकै सबैभन्दा उच्च स्कोर हो।

काठमाडौं । सिद्धार्थ बैंक नेपाल प्रिमियर लिग (एनपीएल) को दोस्रो सिजनको दोस्रो दिनको पहिलो खेलमा कर्णाली याक्सका ओपनर प्रियाङ्क पञ्चल ९० रन बनाउँदै ‘क्याच आउट’ भएका छन् । उनले ४८ बलमा ९० रन बनाए । उनले दशौँ ओभरको अन्तिम बलमा अर्धशतक पूरा गरेका थिए ।

उनले २८ बलमा ४ चौका र ३ छक्का सहयोगमा अर्धशतक पूरा गरेका थिए । कीर्तिपुरस्थित त्रिवि क्रिकेट मैदानमा चितवन राइनोजले टस जितेर फिल्डिङ रोजेपछि ब्याटिङ गरिरहेको कर्णालीले ब्याटिङमा आएको हो । कर्णालीले १६ ओभरको खेल सकिँदा २ विकेट गुमाएर १२५ रन बनाएर खेलिरहेको छ ।

काठमाडौं । सिद्धार्थ बैंक नेपाल प्रिमियर लिग (एनपीएल) मा चितवन राइनोजविरुद्ध कर्णाली याक्सका ओपनर प्रियाङ्क पञ्चलले अर्धशतक पूरा गरेका छन् । उनले दशौँ ओभरको अन्तिम बलमा अर्धशतक पूरा गरेका हुन् । उनले २८ बलमा ४ चौका र ३ छक्का सहयोगमा अर्धशतक पूरा गरेका हुन् ।

कीर्तिपुरस्थित त्रिवि क्रिकेट मैदानमा चितवन राइनोजले टस जितेर फिल्डिङ रोजेपछि ब्याटिङ गरिरहेको कर्णालीले १० ओभरको समाप्तीमा १ विकेटको क्षतिमा ८२ रन बनाएर खेलिरहेको छ । क्रिजमा प्रियाङ्क पञ्चल ६० र मार्क वाट १ रनमा अविजित छन् । अर्का ओपनर म्याक्स ओ डाउड २० रन बनाउँदा सैफ जैवको कलबमा बोल्ड आउट भएका छन्।

काठमाडौं । नेपाल प्रिमियर लिग (एनपीएल) अन्तर्गत जनकपुर बोल्ट्ससँगको खेलमा काठमाडौँ गोर्खाजले शानदार सुरुवात गरेको छ ।जनकपुरले दिएको १३१ रनको लक्ष्य पछ्याउने क्रममा काठमाडौंले सात ओभरमा ६४ रन बनाएको छ । काठमाडौँका लागि वेन चाल्र्सवर्थले ४५ र आकाश त्रिपाठी २१ रनमा अविजित छन् ।

यसअघि ब्याटिङ गरेको जनकपुरले ६ विकेटको क्षतिमा १३० रन बनाएको थियो । जनकपुरका लागि आसिफ शेखले ५४, मयन यादवले ३४, लाहिरु समरकूनले २२, लाहिरु मिलन्थाले सात, रुपेश सिंहले चार, जान निकोल लफ्टी–इटोन र सञ्जय कृषिमूर्तिले दुई–दुई विकेट लिए । काठमाडौँका लागि मिलिन्द कुमारले तीन, करण केसी, शहाब आलम र सन्तोष यादवले एक–एक विकेट लिए ।

काठमाडौँ । सिद्धार्थ बैक नेपाल प्रिमियर लिग (एनपीएल)को पहिलो खेलमा जनकपुर बोल्ट्सले काठमाडौं गोर्खाजलाई १३१ रनको लक्ष्य दिएको छ।

टीयु क्रिकेट मैदानमा टस हारेर पहिलो ब्याटिङको निम्तो पाएको जनकपुरले निर्धारित २० ओभरमा ६ विकेट गुमाएर १३० रन बनायो ।

जनकपुरका लागि ओपनर आसिफ शेखले अर्थशतक पूरा गरे । उनले ४१ बलमा ५४ रन बनाए ।

ओपनर लाहिरु मिलान्था ७, कप्तान अनिलकुमार शाह ०, जान निकोल लोफ्टी इन्टोन २, सञ्जय कृष्णमूर्ति २ र लाहिरु सिमारकून २२ रन बनाएर आउट भए । मयन यादव ३४ र रुपेश सिंह ४ रनमा अविजित रहे ।

काठमाडौं । काठमाडौं गोर्खाजका लागि मिलिन्द कुमारले एकै ओभरमा दुई विकेट हात पारेका छन् । कीर्तिपुरस्थित त्रिवि क्रिकेट मैदानमा सुरु भएको सिद्धार्थ बैक नेपाल प्रिमियर लिग (एनपीएल) अन्तर्गत जनकपुर विरुद्धको खेलमा काठमाडौंका मिलिन्दले लहिरु मिलन्था र अनिल याददको विकेट लिएका हुन् । मिलन्था १२ बलमा सात रन बनाएर आउट भए भने कप्तान अनिल शून्यमा बाहिरिए । काठमाडौं गोर्खाजले पाँच ओभरमा दुई विकेट गुमाएर ३४ रन बनाएको छ ।

काठमाडौं । आजदेखि सुरु हुने नेपाल प्रिमियर लिग (एनपीएल) को उद्घाटन खेलमा साविक विजेता जनकपुर बोल्ट्स र काठमाडौं गोर्खाज भिड्दै छन् । कीर्तिपुरस्थित अन्तर्राष्ट्रिय त्रिवि क्रिकेट मैदानमा हुने उक्त खेल साँझ ४ बजे सुरु हुनेछ । पहिलो संस्करणको खेलमा जनकपुरले काठमाडौंलाई सहजै हराएको थियो। यसपटक पनि जनकपुरले काठमाडौंलाई हराउने उद्देश्यका साथ मैदानमा उत्रनेछ । त्यसो त काठमाडौं पनि अघिल्लो संस्करणको हारको बदला लिंदै जित हासिल गर्न चाहन्छ ।

यस्तै पहिलो संस्करणमा नेपाली राष्ट्रिय टोलीका पूर्व प्रशिक्षकसमेत रहेका पुबुदु दासानायकेको नेतृत्वमा रहेको जनकपुर यस संस्करणमा वेस्ट इन्डिजका शिवनारायण चन्द्रपालको प्रशिक्षणमा मैदानमा उत्रिंदैछ । दक्षिण अफ्रिकाका भेट्रान स्पिनर इमरान ताहिर र वायने पार्नेल जनकपुरले प्रतियोगिताका निम्ति भित्र्याएका चर्चित नाम हुन् । यी दुवैले अन्तर्राष्ट्रिय क्रिकेटमा दक्षिण अफ्रिकाको प्रतिनिधित्व गरिसकेका छन् । यस्तै, पहिलो संस्करणको उद्घाटन र फाइनल खेलमा अर्धशतक बनाएका लाहिरु मिलान्थालाई जनकपुरले यसपटक पनि निरन्तरता दिएको छ ।

यसबाहेक, सञ्जय कृष्णमुर्ती (अमेरिका) र निकोल लोफ्टी इटोन (नामिबिया) हालसम्म जनकपुरबाट खेल्ने निश्चित भएका अन्य दुई नाम हुन् । यसअघि न्युजिल्यान्डका चर्चित अलराउन्डर जिम्मी निसमको साथ पाएको जनकपुरमा यसपटक भने उनको उपस्थिति रहने छैन  त्यसैगरी काठमाडौंले भारतका मोन्टी देसाईलाई मुख्य प्रशिक्षकको भूमिकामा नियुक्त गरेको छ । मोन्टी नेपाली राष्ट्रिय क्रिकेट टोलीका पूर्व मुख्य प्रशिक्षक समेत हुन् । आसन्न एनपिएलमा काठमाडौं विदेशी खेलाडीको कोटा पूरा गर्ने पहिलो टोली हो । टोलीले पहिलो विदेशी खेलाडीका रूपमा दक्षिण अफ्रिकाका विकेटकिपर ब्याटर रिकार्डो भास्कोनेसेलोसलाई अनुबन्ध गरेको थियो ।

त्यसपछि काठमाडौंले स्कटल्यान्डका जेरहार्ड इरस्मससँग सम्झौता नवीकरण गरेको थियो । अमेरिकी अलराउन्डर मिलिन्ड कुमार, भारतीय मूलका अमेरिकी खेलाडी सन्नी पटेल र इङ्ल्यान्डका खेलाडीद्वय बेन चाल्र्सवर्थ र जोन सिम्पसन पनि टोलीमा जोडिएका छन् । काठमाडौंले मार्की खेलाडी करण केसीसहित भीम सार्की, शाहब आलम, रशिद खान, दीपेश कँडेल र प्रतिक श्रेष्ठलाई दोस्रो सिजनमा पनि निरन्तरता दिएको छ । यसैगरी मिनी अक्सनबाट मोहम्मद आदिल आलम अन्सारी, सन्तोष यादव, आकाश त्रिपाठी, उत्तम थापामगर र तुलबहादुर थापालाई भित्र्याइएको थियो ।

दोस्रो संस्करणको जनकपुरको टोलीमा मार्की खेलाडी आसिफ शेखसहित अनिलकुमार साह, जान निकोल लोफ्टी इटोन, ललितनारायण राजवंशी, किशोर महतो, रुपेश सिंह, इमरान ताहिर, तुलबहादुर थापामगर, मयन यादव, आदित्य मेहता, विकास अग्री, सचिन भट्ट, लाहिरु मिलान्था, वायने पार्नेल र सञ्जय कृष्णमुर्ती छन् । त्यस्तै काठमाडौं गोर्खाजमा मार्की खेलाडी करण केसीसहित भीम सार्की, शाहब आलम, रशिद खान, दीपेश कँडेल, प्रतिक श्रेष्ठ, रिकार्डो भास्कोनेसेलोस, मिलिन्ड कुमार, मोहम्मद आदिल आलम अन्सारी, सन्तोष यादव, आकाश त्रिपाठी, उत्तम थापामगर, तुलबहादुर थापा, जेरहार्ड इरस्मस, जोन सिम्पसन, बेन चाल्र्सवर्थ र सन्नी पटेल छन् ।

काठमाडौं । नेपाल प्रिमियर लिग (एनपीएल) क्रिकेटको दोस्रो संस्करण आजबाट सुरु हुँदैछ । जस्का लागि २३ सय बढी सुरक्षाकर्मी परिचालन हुने भएका छन् ।

साबिक विजेता जनकपुर बोल्ट्स र काठमाडौं गोर्खाजले उद्घाटन खेलमा प्रतिस्पर्धा गर्दैछन्। यो भिडन्त आज दिउँसो ४ बजे त्रिवि क्रिकेट मैदान कीर्तिपुरमा सुरु हुँदै छ।

मंसिर २७ गतेसम्म चल्ने एनपीएलको सुरक्षार्थ १९०० प्रहरी परिचालन हुने नेपाल क्रिकेट संघ क्यानले जनाएको छ । २२५ सशस्त्र प्रहरी र २ सय प्राइभेट गार्ड खटाइने क्यानका प्रवक्ता छुम्बी लामाले जानकारी दिए ।

दिन र रातमा दुवै समयमा खेल हुने हुँदा एनपीएलको सबै पक्षको सुरक्षाका लागि सुरक्षाकर्मी खटिनेछन् ।

काठमाडौं । नेपाल प्रिमियर लिग (एनपीएल) क्रिकेटको दोस्रो संस्करण आजबाट सुरु हुँदैछ । उद्घाटन खेलको टिकट बिक्री भैसकेको हुनाले टिकट नभएकाहरूलाई मैदानमा नजान प्रहरीले आग्रह गरेको छ ।

जिल्ला प्रहरी परिसर काठमाडौँले भनेको छ,“आज मिति २०८२ मंसिर १ गते कीर्तिपुरस्थित (टीयू) खेल मैदानमा हुने नेपाल प्रिमियर लिग (एनपीएल) क्रिकेट प्रतियोगिताको आजको सम्पूर्ण टिकटहरू सोल्ड आउट भइसकेको जानकारी प्राप्त भएकोले टिकट नभएका महानुभावहरू उक्त स्थान वरपर भीडभाड नगरी सुरक्षा व्यवस्थापन गर्ने कार्यमा सहयोग गरिदिनुहुन अनुरोध गर्दछौँ,” जिल्ला प्रहरी परिसर काठमाडौंले जारी गरेको सूचनामा उल्लेख छ ।

त्रिवि क्रिकेट मैदानमा सोमबार अपराह्न ४ बजेबाट उद्घाटन खेलमा सुरु हुँदैछ । उद्घाटन खेलमा जनकपुर बोल्ट्स र काठमाडौँ गोर्खाजले प्रतिस्पर्धा गर्नेछन् । ९ खेल दिउँसो र २३ खेल डे–नाइटमा हुने क्यानले जनाएको छ । प्रतियोगिता मङ्सिर २७ सम्म चल्नेछ ।

काठमाडौं । सिद्धार्थ बैक नेपाल प्रिमियर लिग (एनपीएल) को दोस्रो संस्करणको तयारी पूरा भएको छ । नेपाल क्रिकेट संघ (क्यान) ले आज (शनिबार) पत्रकार सम्मेलन गर्दै दोस्रो सिजनको एनपीएलको तयारी पूरा भएको जानकारी दिएको हो ।

क्यानका सचिव पारस खड्काले पहिलाको सिजन भन्दा यो पटक एनपीएल अझ रोमाञ्चक हुने दावी गरे । एनपीएललाई सफलतापूर्वक सम्पन्न गर्न क्यान एकजुट रहेको उनको भनाइ छ । सचिव खड्काले भने, ‘हामी सबै फरक पृष्ठभूमिबाट आए पनि एनपीएललाई सफलतापुर्वक सम्पन्न गर्नका लागि सबै एक छौँ, पहिलाको भन्दा यो पटक एनपीएल फरक हुनेछ । यो पटक फ्लड लाइटमा खेल्न नयाँ प्यारापिटमा बनेको छ । नेपाली क्रिकेट उद्योग बन्न सक्ने अवस्थामा पुगेको छ तर अझै धेरै गर्न बाँकी छ ।’

उनले दर्शकको सुरक्षालाई पनि ध्यान दिएर त्यही अनुसारको व्यवस्थापन गरेको जानकारी दिए । ‘एनपीएलका लागि दर्शकको सुरक्षालाई ध्यानमा राखेका छौँ,’ खड्काले भने, ‘हामीले पाँच वटा गेट खुला गर्नेछौं । टिकट भएका दर्शक मात्र मैदानसम्म आइदिनु होला, टिकट नहुनेहरु घरमा नै बसेर टेलिभिजन वा ओटीटी प्लेफर्मबाट हेरिदिनु होला ।’

उनले करिब एक महिना चल्ने एनपीएलको समयमा कुनै पनि आन्दोलनका कार्यक्रम उपत्यकामा नगरिदिन र काठमाडौँ बाहिर गरिदिन समेत आग्रह गरे । क्यानका अध्यक्ष चतुर बहादुर चन्दले एनपीएलको तयारी पूरा भएको बताए । पहिलो संस्करणको तुलनामा दोस्रो सिजनलाई अझ राम्रो बनाउने प्रयास गरिएको उनको भनाइ छ ।