Tag: झडप

जनकपुर । जनमत पार्टी विभाजनपछि नेताहरूले जनस्वराज पार्टीमा सनाखत गर्ने क्रममा जनकपुरधाममा झडप भएको छ । मुख्यमन्त्रीबाट राजीनामा दिएका सतीशकुमार सिंह जनमत त्यागी जनस्वराज पार्टीको पक्षमा सनाखत गर्न जाने क्रममा कार्यकर्ताले विरोध गर्दा झडप भएको हो ।

कार्यकर्ताहरूले सिंहलाई निर्वाचन कार्यालयमा प्रवेश गर्न नदिने भन्दै बाटो अवरुद्ध गरेपछि प्रहरीसँग सामान्य झडप भएको हो । सिंहसँगै जनमतका पूर्वमन्त्री त्रिभुवन साह पनि सनाखतका लागि निर्वाचन कार्यालय पुगेका छन् । जनमतका नेता–कार्यकर्ताले सिंह सवार गाडीमाथि आक्रमण गर्न खोजेका थिए । तर सुरक्षाकर्मीहरूले गाडी तोडफोड हुनबाट बचाएका थिए ।

मंगलबार मात्रै जनमतका असन्तुष्ट पक्षले पार्टी फुटाएर जस्वपा गठन गरेका थिए । नव गठित जस्वपाको अध्यक्षमा दिपककुमार साह छन् । साहलाई जनमतले पार्टी नीति विपरीत गतिविधि गरेको भन्दै २२ साउनमा साधारण सदस्य समेत नरहने गरी निष्कासन गरेको थियो । जनमतमा साह उपाध्यक्ष थिए । तीन जना उपाध्यक्षहरूमा सुरज सिंह, सुरेन्द्र नारायण यादव, शम्भुनाथ साह रहेका छन् । नव गठित पार्टीलाई निर्वाचन आयोगले मान्यता पनि दिइसकेको छ ।

 

 

बाँके । बाँकेमा खसी किन्ने निहुँमा विवादपछि दुई समूहबीच कुटाकुट हुँदा एक जनाको मृत्यु भएको छ । जिल्लाको नेपालगञ्ज उपमहानगरपालिका– ५ का ५२ वर्षीय जाबिद अली बेहनाको मृत्यु भएको हो ।

शुक्रबार बिहान उनले किन्न ठिक्क पारेको एउटा खसी अर्कैले उठाएपछि दुई समूहबीच झडप भएको हो । उनीहरुले आपसमा ढुंगा हानाहान गरेका थिए । जिल्ला प्रहरी कार्यालय बाँकेका प्रवक्ता डिएसपी दीपक पातलीका अनुसार आपसमा ढुंगा लागेर घाइते भएका जाबिदको दिउँसो साढे २ बजेतिर उपचार क्रममा मृत्यु भएको थियो ।

डिएसी पातलीले हत्या घटनामा संलग्न रहेकामध्ये चार जनालाई नियन्त्रणमा लिएर अनुसन्धान अगाडि बढाइएको बताए । एक स्थानीयका अनुसार झगडा गर्नेहरु सालो–भेना हुन् । मृतक बेहना सालो वा भेना को हुन् भन्नेबारे सोधपुछ हुन बाँकी रहेको प्रहरीले जनाएको छ ।

नेपालगञ्ज । नौवस्तास्थित बाल सुधारगृहमा झडप हुँदा पाँच जनाको मृत्यु भएको छ भने अन्य सात जना घाइते भएका छन् । नौवस्ता कारागारका प्रमुख जालन्धर भुसालका अनुसार बालबिज्याईकर्ता गेट फोरेर बाहिर निस्कन खोज्दा भएको झडपमा उनीहरुको मृत्यु भएको हो।

कारागारमा रहेका ५८५ मध्ये १४९ जना र बालसुधार गृहबाट ७६ जना भागेको उल्लेख गर्दै बालबिज्याईकर्ता र थुनुवालाई एकै ठाउँमा राखेका कारण यो अवस्था सिर्जना भएको होे ।

झडपमा घाइते भएकाहरुलाई नेपालगञ्जस्थित भेरी अस्पताल ल्याइएको थियो । ती घाइतेमध्ये पाँच जनाको उपचारको क्रममा मृत्यु भएको हो । अन्य घाइतेको जिल्लाका विभिन्न स्वास्थ्य संस्थामा उपचार भइरहेको छ ।