काठमाडौँ / राष्ट्रिय प्रजातन्त्र पार्टीका अध्यक्ष राजेन्द्र लिङ्देनले सुन प्रकरणमा अनुसन्धान गर्न उच्चस्तरीय छानविन समिति गठन गर्न माग गर्नुभएको छ ।

बुधबार प्रतिनिधिसभा बैठकमा अध्यक्ष लिङ्देनले नक्कली भुटानी शरणार्थी प्रकरण, ललिता निवास प्रकरण र सुन तस्करी प्रकरणको जरोसम्म पुग्न नसकेको बताउँदै उनले सरकार त्यसतर्फ अग्रसर नभएको बताउनुभयो ।

लिङ्देनले विदेशीले सूचना दिएपछि यो काण्ड बाहिर आएको भन्दै उहाँले भरिया बोकेर तस्कर जोगाउने काम नगर्न सरकारको ध्यानाकर्षण गराउनुभयो । उहाँले सुन प्रकरणमा अहिलेसम्म भएका अनुसन्धान चित्तबुझ्दो नरहेको पनि बताउनुभयो ।