काठमाडौँ – नेकपा एमालेको भातृ संगठन राष्ट्रिय युवा संघ नेपालका अध्यक्ष क्षितिज थेवेको तस्बिरसहित समाजिक सञ्जालहरुमा चरित्र हत्या गर्ने प्रयास भएको भन्दै युवा संघले खेद प्रकट गरेको छ । समाजिक सञ्जालमा थेवेको मृत्यु भएको भन्दै अनावश्यक हल्ला फिजाएको प्रति युवा संघले विज्ञप्ति मार्फत विरोध जानाएको हो ।

पछिल्लो समय अध्यक्ष थेवेको तस्बिरसहित श्रद्धान्जली दिएको विषयमा युवा संघ नेपालले गम्भिर ध्यानाकर्षण जनाएको हो । युुवा संघ नेपालले थेवेको तस्बिर सहित गलत हल्ला चलाउनेलाई हदैसम्मको कार्बाही गर्न मागसमेत गरेको हो ।

हेर्नुहोस् युवा संघ नेपालको विज्ञप्ती :

नेपाली युवाहरुको सर्वाधिक लोकप्रिय तथा नेतृत्वदायी संगठन राष्ट्रिय युवा संघ नेपालका अध्यक्ष क। क्षितिज थेवेमाथि केही समयदेखि सामाजिक संजालमार्फत् श्रृंखलावद्ध रुपमा प्रहार भइरहेको थियो । यही सन्दर्भमा बिहीबार बिहानैदेखि अध्यक्षको तस्विरलाई दुरुपयोग गर्दै ुश्रद्धान्जलीु का पोस्टहरु देखिन थालेका हुन् । यी र यस्ता भ्रामक पोस्टहरुले सिंगो राष्ट्रिय युवा संघ नेपाल नै आक्रोशित बनेको छ । सामाजिक संजाललाई दुरुपयोग गरी यस्ता पोस्टहरुमार्फत् मानवीय संवेदनशीलताको परिधिलाई उलंघन गरिएको विषय हामीलाई सैह्य छैन र हुँदैन । समाज र देशका लागि केही गर्ने हुटहुटीले युवा आन्दोलनमा होमिएको योद्धालाई प्रहार गर्नु मुलुकको भविश्यमाथि नै आक्रमण गर्नु सरह हो । राजनीतिक मतभेदकै आधारमा मानवीय संवेदनशीलताको परिधिलाई बिर्सनु आफैमा जीर्ण सोचको परिणाम हो ।

तसर्थ, जिउँदो मानिसलाई प्रहार गर्न ुश्रद्धान्जलीु दिने जस्तो जीर्ण सोचलाई निरुत्साहन गर्न र यस्ता अमानवीय, घृणित एवं आमार्यादित कार्यलाई रोक्न गृह प्रशासन तथा नेपाल प्रहरी समक्ष राष्ट्रिय युवा संघ नेपाल जोडदार माग गर्दछ । साथै यस्तो कार्य गर्नेलाई पहिचान गरी हदैसम्मको कारबाही गर्नसमेत आग्रह गर्दछ । होइन भने राष्ट्रिय युवा संघ नेपाल आफै प्रतिरोधमा उत्रने चेतावनी दिन चहान्छ ।
सुमन पुरी
महासचिव