काठमाडौँ / नेकपा एमालेका अध्यक्ष केपी शर्मा ओली आज नेपालगन्ज जाने भएका छन् । अध्यक्ष ओली लुम्बिनी प्रदेशमा निर्वाचित जनप्रतिनिधिको प्रशिक्षणका लागि आज नेपालगन्ज जाने भएका हुन् ।

लुम्बिनीबाट संघ,प्रदेशका सांसदहरू र स्थानीय तहमा अध्यक्ष, उपाध्यक्ष र वडाध्यक्षमा निर्वाचित जनप्रतिनिधिलाई सामुहिक प्रशिक्षण कार्यक्रमको आयोजना गरिएको हो ।

प्रशिक्षण कार्यक्रम आज र भोली गरी दुईदिन सञ्चालन हुने एक नेताले जानकारी दिए । कार्यक्रममा सहभागी हुन अध्यक्ष ओली काठमाडौंबाट विहान साढे १० बजे नेपालगञ्ज प्रस्थान गर्ने कार्यक्रम रहेको छ ।