काठमाडौं / समितिमा जेष्ठ सदस्यको हैसियतमा सभापतिको भूमिका निर्वाह गरिरहेका राष्ट्रिय जनमोर्चाका अध्यक्ष चित्रबहादुर केसीले राज्यसत्ता नै लुटपाट र भष्ट्राचारमा लागेको आरोप लगाउनुभएको छ ।

सिंहदरबारमा शुक्रबार बसेको प्रतिनिधिसभा अन्तर्गतको राज्य व्यवस्था तथा सुशासन समितिको बैठकमा केसीले राज्यसत्ता नै लुटपाटमा, भ्रष्टाचारमा लागेका कारण अनुसन्धान निष्कर्षमा पुग्ने आशंका उत्पन्न भएको बताउनभएको हो ।

केसीले भन्नुभयो ‘अहिले नेपालको स्थिति धेरै गम्भीर छ, राज्यसक्ता नै लुटपाटमा, भष्ट्राचारमा लागिसकेपछि गर्नुहुन्छ के ? कसलाई थाहा छैन ? यहाँ कुन चाँही पार्टी हो, कुन चाहीँ व्यक्ति हो भन्नु भन्दापनि राज्यसक्ता पुरै लुटपाटमा सामेल भइसकेपछि त के हुन्छ ? तैपनि हामीले त हरेश खानु त भएन । लोकतन्त्र छ र कमसेकम हामीले जनताका बीचमा समसामयिक कुरा गरिरहेका छौँ ।’