काठमाडौं । प्रधानमन्त्री पुष्पकमल दाहाल र भारतीय समकक्षी नरेन्द्र मोदीबीच टेलिफोन वार्ता भएको छ। शनिबार भएको टेलिफोन वार्तामा द्विपक्षीय हितको विषयमा छलफल भएको थियो। उहाँहरुले नेपाल(भारतबीच हुँदै आएका सहयोगका विभिन्न पक्षको समीक्षा गर्नुभएको थियो।

प्रधानमन्त्री दाहालको पछिल्लो भारत भ्रमणमा भएका विभिन्न सम्झौताहरूका विषयमा पनि उहाँहरूबीच छलफल भएको थियो। भारतीय प्रधानमन्त्री मोदीले सम्झौता भएका विषयहरूमा चासो राख्नुभएको बताउनुभएको छ।

उहाँहरूले द्विपक्षीय साझेदारीलाई अगाडि बढाउन र दुई देशबीचको सम्बन्धलाई अझ सुदृढ बनाउने विषयमा छलफल गर्नुभएको थियो। भारतीय प्रधानमन्त्री मोदीले निकट र मित्रवत छिमेकी नेपाल भारतको छिमेक पहिलो नीतिको प्रमुख साझेदार रहेको बताउनुभएको थियो।

उहाँहरूबीच भएको टेलिफोन वार्ताले दुई देशबीचको उच्चस्तरीय आदानप्रदानको परम्परालाई निरन्तरता दिएको भारतीय प्रधानमन्त्री मोदीको सचिवालयले जनाएको छ।