काठमाडौँ / प्रमुख प्रतिपक्षी दल नेपाली कांग्रेसको अवरोधपछि राष्ट्रियसभाको शुक्रबारको बैठक पनि स्थगित भएको छ । बैठक सुरु हुनासाथ कांग्रेसका सांसदहरु आ–आफ्नो स्थानबाट उठेर विरोध जनाएका थिए ।

राष्ट्रियसभाका अध्यक्ष नारायणप्रसाद दाहालले बैठक प्रभावित नपार्न र सहज रुपमा सञ्चालनका लागि सहयोग गर्न आग्रह गरेका थिए । तर कांग्रेस सांसदले निरन्तर विरोध गरेपछि अध्यक्ष दाहालले अर्को बैठक आगामी जेठ ६ गते आइतबार दिउँसो बस्ने गरी स्थगित गरेका हुन् ।

कांग्रेसले सहकारीको रकम अपचलनमा उपप्रधानमन्त्री एवं गृहमन्त्री रवि लामिछानेको संलग्नता देखिएको आरोप लगाउँदै निष्पक्ष छानबिनका लागि संसदीय समिति गठनको माग गरेर राष्ट्रियसभाको बैठक अवरोध गर्दै आएको छ ।