काठमाडौं । नेपाली कांग्रेसले गण्डकी प्रदेशसभामा समानुपातिकतर्फको रिक्तसदस्यमा स्याङ्जाकी सुनिता थापालाई सिफारिस गर्ने निर्णय गरेको छ ।

सोमबार बसेको कांग्रेस केन्द्रीय कार्यसम्पादन समितिको बैठकले रिक्त पदमा थापालाई सिफारिस गरिएको प्रवक्ता प्रकाशशरण महतले जानकारी दिए ।

गण्डकी प्रदेशसभा सदस्य विमला गौचनको मृत्यु भएपछि निर्वाचन आयोगले कांग्रेसलाई अर्को नाम सिफारिस गर्न भनेको थियो । कांग्रेसले उक्त स्थानमा थापाको नाम निर्वाचनमा आयोगमा सिफारिस गर्ने निर्णय गरेको हो ।

थापाको नाम आदिवासी जनजाती महिलातर्फ बन्दसूचीमा पाँचौँ नम्बरमा थियो। उनीभन्दा अगाडीका चार जना प्रदेश सभासदस्य बनिसकेका छन्।