काठमाडौं । काठमाडौंका पूर्वमेयर पीएल सिंहको निधन भएको छ । सिंहको चाक्सीबारीस्थित निवासमा सोमबार बिहान निधन भएको हो ।

२०४९ सालको स्थानीय तह निर्वाचन जितेर सिंह तत्कालीन काठमाडौं नगरपालिकाको मेयर बनेका थिए । ८५ वर्षीय सिंह लामो समयदेखि अस्वस्थ थिए ।

गत वर्ष उनको पेटको शल्यक्रिया गरिएको थियो । उनले लौहपुरुष गणेशमान सिंहका प्रमुख सहयोगी भएर पनि काम गरेका थिए । तर पछिल्लो समय राजनीतिबाट उनी निष्कृय बनेका थिए ।