काठमाडौं । नेकपा (एकीकृत समाजवादी)का अध्यक्ष माधव नेपाल र नेकपा राष्ट्रिय एकता अभियानका संयोजक वामदेव गौतमबीच पार्टी एकताबारे छलफल भएको छ ।

बिहीबार साँझ गौतम निवास भैंसेपाटीमा पार्टी एकताबारे दुई नेताबीच छलफल भएको हो । भेटमा पार्टी एकता प्रक्रिया अघि बढाउने विषयमा छलफल भएको एकीकृत समाजवादीका नेता बलराम बास्कोटाले जानकारी दिए ।

उनले छलफल सकारात्मक रहेको बताए । भेटमा एकीकृत समाजवादीकातर्फबाट अध्यक्ष नेपाल तथा नेता प्रमेश हमाल र बलराम बास्कोटा थिए । त्यस्तै अभियानकातर्फबाट संयोजक गौतम, डिबी कार्कीलगायतका नेता सहभागी थिए । एकीकृत समाजवादीले गौतमलाई पार्टीमा भित्राउने निर्णय गरिसकेको छ ।