काठमाडौं । चीनको राजधानी बेइजिङमा आज विजय दिवस परेड आयोजना हुँदैछ, जसमा चीनले आफ्नो सैन्य शक्ति प्रदर्शन गर्ने भएको छ ।

दोस्रो विश्वयुद्धको अन्त्यमा चीनमा जापानले आत्मसमर्पण गरेको ८० औं वार्षिकोत्सवको अवसरमा राष्ट्रपति सी चिनफिङले चीनको अहिलेसम्मकै सबैभन्दा ठूलो सैन्य परेड आयोजना गर्दैछन् ।

परेड अघि चिनियाँ राष्ट्रपति सी, रुसी राष्ट्रपति भ्लादिमिर पुटिन र उत्तर कोरियाली नेता किम जोङ उन सँगै देखिएका थिए । यो पहिलो पटक हो कि तीन नेताहरू सार्वजनिक रूपमा एकसाथ देखा परेका छन् ।

यी तीन नेताहरू परेड हेर्न आएका विश्वभरका नेताहरूको लाइनको अग्रपंक्तिमा छन् । चीनले यस परेडमा आमन्त्रित २६ नेताहरूको सूची जारी गरेको छ । यद्यपि, यो परेडमा को को पुगेका छन् भन्ने कुरा अझै स्पष्ट भएको छैन ।

यस सूचीमा पाकिस्तानी प्रधानमन्त्री शाहबाज शरीफ सहित भियतनाम, मलेसिया, बेलारुस, इरान, जिम्बाब्वे, सर्बिया, स्लोभाकिया, क्युबा र म्यानमार जस्ता देशका नेताहरूको नाम समावेश छ ।