उत्तरी अफगानिस्तानको बदख्सान प्रान्तमा एउटा सवारी साधन खोलामा खसेर दुर्घटना हुँदा ११ जना यात्रुको मृत्यृ हुनुको साथै एक जना घाइते भएको स्थानीय प्रहरी अधिकारीले मङ्गलबार बताएका छन ।

चालकको लापरवाहीका कारण दराइम जिल्लामा यो दुर्घटना भएको जिल्ला प्रहरी प्रमुख सैयद मिर खङ्गरले पुष्टि गर्नुभयो । उहाँका अनुसार एक परिवारका सात जनासहित ११ जनाको घटनास्थलमै मृत्यु भएको छ ।

यसअघि सोमबार बिहान पूर्वी गजनी प्रान्तमा कार र बसको टक्करमा छ जनाको ज्यान गएको थियो भने अर्का एक जना घाइते भएका थिए ।