काठमाडौं । नव नियुक्त गृहमन्त्री ओमप्रकाश अर्यालले क्षति भए पनि जेनजी आन्दोलनले ऐतिहासिक अवसरको ढोका खोलेकाले अब विवाद अन्त्य गरेर अघि बढ्नु पर्ने बताएका छन् । मन्त्रीको पदभार ग्रहण गरेपछि सोमबार गृह मन्त्रालयमा उनले सञ्चारकर्मीहरुसँग अब विवाद गरेर पछि फर्किन नहुने बताए ।

‘अहिले अब विवाद गरेर पछि फर्किने होइन । विवाद हटाएर अघि बढ्ने हो’ मन्त्री अर्यालले भने, ‘क्षति भए पनि ऐतिहासिक अवसरका लागि ढोका खुलेको छ । अहिले सुरुवात गर्ने र त्यसलाई निर्वाचनबाट थप प्रमाणीकरण गर्न लाग्नु पर्छ ।’ उनले अहिले मुलुकलाई दीर्घकालीन रुपमा सही बाटोमा लैजानुपर्ने पनि बताएका छन् । गृहमन्त्री अर्यालले जेनजी आन्दोलनका क्रममा भएका हिंसात्मक घटनाको छानविन गर्न समिति गठन हुने बताएका छन् ।

आज (सोमबार) सिंहदरबारमा पदभार ग्रहणपछि गृहमन्त्री अर्यालले जेनजी आन्दोलनका क्रममा देशभर घटेका हिंसात्मक घटनाको छानविनका लागि समिति गठन हुने बताएका हुन् । उनले भने, ‘जेनजी आन्दोलनका नाममा देशभर हिंसात्मक घटना भएका छन् । उक्त घटनाको सत्यतथ्य बाहिर ल्याउन समिति गठन हुन्छ ।’ गृहमन्त्री अर्यालले जेनजी आन्दोलनमा निधन भएकाको सम्मानमा राष्ट्रिय शोक मनाउने जानकारी दिएका छन् ।

उनले शोकमा राष्ट्रिय झण्डा आधा झुकाउने निर्णय गएको बताए । आन्दोलन क्रममा ज्यान गुमाएका परिवारलाई काजकिरिया खर्चवापत प्रति परिवार एक लाख उपलब्ध गराउने तथा मृतकको शव घर ठेगानासम्म पुर्‍याउने निर्णय गरेको मन्त्री अर्यालले जानकारी दिए । यही भदौ २३ र २४ गते काठमाडौंसहित देशभर भएको जेनजी समूहको आन्दोलनका क्रममा हालसम्म ७२ जनाको मृत्यु भएको छ भने सयौंजना घाइतेको विभिन्न अस्पतालमा उपचार भइरहेको छ । आन्दोलनका क्रममा देशभर ठूलो जनधनको क्षति भएको छ । संसद भवन, सिंहदरबार, राष्ट्रपति भवन, सर्वोच्च अदालत, व्यापारी भवनलगायत आगजनीबाट ध्वस्त भएका