काठमाडौं । भौतिक पूर्वाधार तथा यातायातमन्त्री कुलमान घिसिङले जेनजी प्रदर्शनका क्रममा आगलागीले ध्वस्त सार्वजनिक पुनर्संरचना पुनर्निर्माण जनता आफैले बनाउने बताएका छन् । संसद् भवन, सिंहदरबार, सर्वोच्च अदालतलगायतका संरचनामा आगलागीले ध्वस्त भएका छन् । यी संरचना बनाउन उनले हाम्रो सार्वजनिक संरचना हामी आफै बनाउँछौँ अभियान चलाउने जानकारी दिए ।

मन्त्री घिसिङले भने, ‘यसको लागि विशेष कोष खडा गरिने छ । अर्थको सहमतिमा क्याबिनेटबाट विशेष कोष खडा गरिने, विदेशका सबै नेपालीले अपनत्व लिने अपेक्षा छ । बनाउने नि हामी नै हौं । जति सक्नु हुन्छ, गर्नुहोला । सदुपयोग हुने विश्वास दिलाउँछु ।’